goalmn

ДАШТ-ий үеэрэх эхнэр найз охидуудад бүх эрэгтэйчүүдийн зүгээс

admin — Mon, 17 May 2010 13:25:47 GMT

ДАШТ-ын үеэр эхнэр, найз охидууддаа бүх эрчүүдийн зүгээс...... Үнэхээр инээдтэй онигоо

1. 2010 оны 06.11-07.11-ы хооронд хэвлэл мэдээллүүдийн спортын буланг анхаарна уу, ингэснээр ярианд оролцож болно. Хэрвээ дээрх зааврыг биелүүлэхгүй бол би чамайг тоохгүй шүү, битгий үглээд байгаарай.

2. ДАШТ-ий үеэр зурагт ерөөсөө л минийх, үүнийг эсэргүүцнэ гэсэн ойлголт байхгүй шүү. Удирдлага руу хальт л харвал нүдээ алдаж магадгүй шүү.

3. Тоглолт үзэж байхад зурагтын урдуур явах зайлшгүй шаардлага гарвал надад түвэг удахгүйгээр газраар мөлхөн гарч болно. Эсвэл ямарч хувцасгүйгээр нэг л удаа гарна шүү. Тэгвэл яахав хальт нэг дагуулж харж болох юм.

4. Тоглолтын үеэр чамайг хоол унданд зарахаас бусад үед би сохор, дүлий, хэлгүй гэж л мэдээрэй. Чамайг сонсох, хаалга үүд тайлах, утас авах, хүүхэд харах гэх мэтийг хийнэ гэж бодож байгаа бол гоньж шүү.

5. Хөргөгчийг байнга пиво, хоолоор цэнэглэх бол муугүй санаа шүү. Тэгээд манай найз нар ирж архидахад битгий муухай царайлаад байгаарай. Хариуд нь чи шөнийн 4 цагаас өдөр намайг шараа тайлтал зурагт үзэж болно.

6. Миний дэмждэг баг хожигдоод би уурлаж байвал битгий "тайвшир, энэ чинь зүгээр л тоглоом шд”, "битгий санаа зов, дараа нь л хожино шд” г.м. тэнэг тэнэг юм яриад байваа. Чи хэзээ ч надаас илүү хөлбөмбөгийг ойлгохгүй, сэтгэлийг тайтгаруулах гэсэн үг чинь улам л уур хүргэнэ гэхээс надад тус болохгүй шүү.

7. Чи надтай хамт сууж ганц л тоглолт үзэж болно. Хэрэв ярих шаардлагатай бол тоглолтын дундуурх завсарлагааны үеэр ярьж болно. Жич: Ганцхан л тоглолт шүү.

8. Гоолын давталтууд маш чухал, би өмнө нь үзсэн үзээгүй нь хамаагүй, ахиж үзнэ, олон удаа.

9. Найз нөхөд, хамаатан садан чинь элдэв ажил явдалтай болвол дэмий гэж хэлээрэй, учир нь

а)Би очихгүй

б)Би очихгүй буюу

в)Би очихгүй

10. Харин манай нэг найз тоглолт үзье гэж дуудвал би гялс очно.

11. Өдөр болгон гарах ДАШТ-ий тойм бол тоглолтуудаас дутахгүй чухал. Битгий чи энийг үзсэн биз дээ, өөр юм үзье гээд байгаарай. Учир нь би чамайг энэхүү жагсаалтын 2-р зүйлтэй танилцуулна.

12. Эцэст "Ёооё за ядаж 4 жилд ганц л болох юмаа" гээд донгосоод байх хэрэггүй шүү. Наад үг чинь надад нөлөөлөхгүй яагаад гэвэл ДАШТ-ий өмнө болон дараа нь Премьер Лиг, Ла Лига, Сэрие А, Бүндеслиг, Аваргуудын Лиг, Европа Лиг байгаа.

Зөвхөн жимс улбар шар өнгөтэй биш

admin — Sun, 09 May 2010 13:36:20 GMT

Энэ үг 1974 оны Дэлхийн аваргад шуугиан тарьсан Ринүс Михэлсийн дасгалжуулсан Нидерландын шигшээ багаас гарсан юм. Үүнээс хойш улбар шар өнгө хөлбөмбөгийн сүүлийн 30 жилийн түүхийг чимжээ. Нидерландын шигшээг дэмждэггүй ч тэдний тоглолтыг үзэх үнэхээр сонирхолтой байдаг нь хөлбөмбөгийн түүхээс харагддаг. 1998 оны Дэлхийн аваргад Нидерланд – Аргентин тоглох гэж байхад бүгд л шүүрс алдаж байсан бол Франц – Итали гээд харьцангуй томчууд тоглох гэж байхад нөгөө тоглолт нь бүхний анхаарлыг татаж байлаа.... Өөр олон ч жишээ дурдаж болно. Тэдний тоглолтын арга барилаас хамаарч нэгэн хэвийн уйтгартай тоглолт гардаггүй бөгөөд "Голланд” л тоглоно гэвэл хүмүүс үзэхийн хүслэн болдог.

Бидний хэлж заншиснаар Голланд буюу Холланд нь, Нидерландын 12 мужийн хоёр нь болох Өмнөд, Хойд Холланд муж болохоос ийм нэртэй улс байхгүй. Манайд Оросуудаа дагаад маш их түгээмэл болж бид Холландыг Оросуудаас орж ирсэн нэрээр нь Голланд гэж дуудаад сурчихаж. Израилын нийслэл Иерусалэм байтал Оросуудаас Тель Авив гэж орж ирсэнтэй ойролцоо юм. Дээр нь Холланд их "амбиц”-тай муж. Улсынхан хамгийн гол гол объектууд нь байдаг болохоор аргачгүй биз. Мөн үүн дээр албан ёсны бус сайтууд дээр байрласан Holland гэж нэрийг манайхан харсаар байгаад итгэчихсэн ч байж болох юм. Албан ёсны сайтууд дээр Netherlands гэж л байдаг. Нэрний асуудал дээр иймэрхүү үл ойлголцол байдаг ч одоо гол асуудалдаа орьё.

Нэхэлтийг (прэссинг) илт урагшилуулж, гүйцэтгэлээ ч сайн хийдэг баг бол Нидерланд. Ялангуяа 2008 оны Европыг аваргаар тодорхой харагдаж Франц, Итали гэсэн томчуудад өөрийн 16-д оруулах зай завсар тун ч хомс өгсөн. Дэлхийн аваргын урьдчилсан тоглолтууд, нөхөрсөг тоглолтон дээр мөн л харагдсан. Эсрэг багийн хамгаалагчид нь давхар прэссингэд орсон учир урагш замбараагүй цөлж тоглолтоо алдаж, улбар шаруудын тэмпэнд өөрийн эрхгүй ордог. Тэдний тактик тодорхой боловч ур чадвар дээр дэндүү сурилсан учир зогсооход бэрх. Тактикийн төгс байдалд тулгуурлан, байрласан тоглолт голлон тоглодог багуудад хамгийн халгаатай. Зарим томоохон багууд шиг жижгүүдэд бүдэрнэ гэсэн ойлголт бараг байхгүй, хүйс тэмтэрээд л гарна. Гэхдээ хамгийн логикгүй юу ч тохиолдож болох хөлбөмбөгт үргэлж ялна гэж байхгүй. Испани, Нидерланд мэтийн багуудыг адилхан ур чадвар юм уу эсвэл арын байрласан, бөмбөггүй тоглогчдыг нэгийн эсрэг нэг хамгаалдаг багууд буулгаж авах тохиолдол бий. Мэдээж маш өндөр түвшинд бэлтгэгдсэн байх ёстой бөгөөд ойрын жишээ гэвэл Аваргуудын лигийн хагас шигшээд Интэр, Барсэлонаг буулгаж авсанаас харж болно.

Дэлхийн аваргын өмнө Нидерландын бүрэлдэхүүн хүчирхэг байгаа ч шилдэг тоглогчид нь ихэнхдээ байрлал нь давхцаж өнгөн талдаа хүчирхэг байдалтай харагдаж байна. Хөлбөмбөгт олон сайн тоглогч гэхээсээ илүү, байрлал бүрт жигд сайн тоглогчид байсанаар л дүгнэдэг шүү дээ. Сүүлийн жилүүдэд жигүүрийн довтлогчдыг тун сайн бэлтгэн гаргаж байгаа нь сайн ч, яг цэвэр төвийн довтлогчоор тоглох тамирчин Рүүд ван Нистэлроойгоос хойш гарч ирэхгүй байгаа нь яг л Португал шиг. Мөн төвийн хамгаалагч, хаалгачын байрлал дээр сулхан харагдаж байна. Ахмад туршлагатай хаалгач Эдвин ван дэр Сар (39 настай) шигшээ багаасаа зодог тайлсан ч Маартэн Стэкэлэнбург, Хэнк Тиммэр нараас одоо ч гэсэн илүү хэвээрээ л байна. Манчэстэр Юнайтэдад ямар "хөнгөн шингэн” найдвартай тоглолт үзүүлж байгаагаар харж болно. Төвийн хамгаалалтан дээр Дэлхийн хэмжээний байтугай томоохон багуудад тоглодог ур чадвар өндөртэй тоглогч алга. Үүнийхээ улмаас л 2008 онд Оросуудад хожигдсон. Арын хамгаалалтаас тоглолт унших, байрлал нөхөлтийн ур чадвар дээр алдаа гарсан нь тодорхой харагдаж Аршавины Оойер дээр удаа дарааллан хийсэн тоглолтыг Хиддинк урьдчилсан бэлтгэсэн байлаа. Түүнчлэн төвийн хамгаалагчдын ур чадвараас хамаарч алсын дамжуулалт хийх хувилбаргүй, хагас хамгаалалтын бүсээр заавал дамждаг нь жижиг ч гэсэн сул тал. Дээр нь нэмээд булан, чөлөөт цохилтыг мөргөх тал дээр дутагдал байдаг нь Нидерландын төвийн хамгаалагчид довтолгоонд үр бүтээл тун муутай гэдгийг харж болно. Одоо бүгдээрээ Дэлхийн аваргад оролцох тамирчдыг байрлал бүрт зоогоод үзий.

"Нисдэг Голланд”-уудын хаалгачаар Аяксын Стэкэлэнбург сонгогдох магадлал хамгийн өндөр. Баруун хамгаалагчаар Жонни Хэйтинга, Халид Булахруз, "нялх” Грэгори ван дэр Виел гээд нэр дэвшигчид олон байгаа бол төвд Андрэ Оойер, Иорис Матийсэн, зүүнд ахлагч ван Бронксхорст тоглох болов уу. Мөн Хэйтинга, Булахрузын нэг нь төвд тоглож болох юм. 4-5-1 гэсэн хувилбар сонгогдох магадлал өндөртэй бөгөөд ван Боммэл, дэ Ионг нар цэвэрлэгчээр Роббэн баруунд, ван дэр Ваарт плэймэйкэрээр, Шнайдэр зүүнд, төвийн ганц довтлогчоор Кюйт тоглож болох юм. Роббэн, ван Пэрси хоёр хамт гарахаар прэссинг илт сулардаг учир Евро 2008 дээр 2-ууланг нь сэлгээнд суулгаж байсан. (бага зэргийн гэмтэл нөлөөлсөн) Хунтэлаар ганц довтлогчоор тоглоод ван дэр Ваарт, Шнайдэр нарын нэг нь сэлгээнд байж ч болох юм. Гэхдээ хамт тоглохоороо илүү бүтээлч, прэссингэд давуу талыг нэмдэг. Шнайдэр зүүнд тоглоод төв рүү орохоор араар нь нүүрний шугамыг дуустал багийн ахлагч гүйдэг нь одооны Английн шигшээтэй төстэй. Түүнчлэн Нидерландын залуухан шигшээд хүч нэмсэн хүн бол яах аргагүй ван Боммэл. Түүний төвийн шугамын ур чадвартай, туршлагатай тоглолт багийн тоглолтыг улам чанаржуулж байна. Дэлхийн аваргын урьдчилсан тоглолтонд Бэрт ван Марвийкийн шавь нар зуун хувийн амжилт үзүүлсэн нь Байерн Мюнхэний (Марк ван Боммэл) тоглогчтой салшгүй холбоотой.

...Далайчдын дунд "Нисдэг Голланд” гэж сүнстэй хөлөг онгоцны домог дундад зууны үеэс тархаж, "Нисдэг Голланд”-тай таарсан хөлөг онгоц ямар нэг аюулд өртдөг байсан учир далайчид таарахаас эмээдэг байжээ...

Стивен Жиррардын түүх

admin — Sun, 09 May 2010 12:55:52 GMT

За мэдээ нэмээгүй удчихлаа. Та бүхнээсээ хүлцэл өчье. Тиймээс энэ удаад нэг чанартай мэдээ нэмхээр боллоо. Стивен Жиррардийн Түүх нэртэй түүний бичсэн энэ номыг та бүхэнд монгол хэлээр хүргэж байна. Үнэхээр гоё ном болсон байна лээ. татаж аваад уншаарай.

Нэгдүгээр бүлэг

Улааны төлөө заяагдсан

Миний судсыг нээж харвал яг л "Ливерпуль”-ийнх шиг улаан цус оргилох болно. Би энэ багт зүрхний угаас хайртай учраас тэр. "Энфиль”д тоглох хүсэл, мөрөөдөл минь Жонполыг өнгөрөхөд улам бүр хүчтэй болж билээ. Дунд сургуульд байхдаа хүнд гэмтэл авч шаналж хэвтэхдээ энэ хүсэл маань туйлдаа хүрсэн юм. Миний хөлбөмбөгчний замнал бүр эхлээгүй байхдаа сүйрчихэж болох байлаа. "Ливерпуль” болон Английн шигшээд тоглон Европын цомыг толгой дээрээ өргөж, ДАШТ-д од болон гялалзах зэрэг бүх мөрөөдөл минь биелэх боломж үлдэх эсэхийг есхөн настайдаа мэс засалчийн ур чадварт найдаж байж билээ.

татах(aiaxshare)

Шави Эрнандез ДАШТ-ийг өнжинө

admin — Mon, 03 May 2010 13:17:45 GMT

Испанийн шигшээ баг болон Барселона багийн хагас хамгаалагч Шави Эрнандез Өмнөд Африкт болох Дэлхийн аварга шалгаруулах тэмцээнийг өнжихөөр болжээ. Испанийн аварга шалгаруулах тэмцээн Ла лигийн 35-р тойргийн хүрээнд өнгөрсөн амралтын өдөр Виллареалын эсрэг хийсэн тоглолтод Барселоны од нэг гоол хийж, 2 гоолын дамжуулалтыг өгсөн бөгөөд улмаар баг нь 4:1-ийн харьцаатай ялалт байгуулсан юм. Харин тухайн тоглолтын үеэр 30 настай хагас хамгаалагч хөлийнхөө булчинг гэмтээжээ. Ингэснээр тэрээр ДАШТ-ийг өнжихөөр болоод байгааг Барселоны дасгалжуулагч Пэп Гуардиола мэдэгдсэн байна. Шави энэ улиралд 3 гоол оруулж, 13 оновчтой дамжуулалтыг Барселоны төлөө хийгээд байгаа бөгөөд Каталоны баг Испанийн Ла лигт түрүүлэх магадлал өндөр байгаа юм. Барса ойрын өрсөлдөгч Реал Мадридаас нэг оноо илүү Ла лигийг тэргүүлж байна.

Score studio.

3-н арслангууд буюу "Дэлхийн аваргын өмнөх Английн шигшээ"

admin — Sun, 02 May 2010 12:28:48 GMT

"Дэлхийн аваргын өмнөх Английн шигшээ"

Монголчууд бид Оросын телевизээр хөлбөмбөг үзэж хойд ах нарыгаа балиашиглан суудаг үе саяхан байсан. Харин одоо бол маргаангүй Английн шигшээ багийг дэмжигчид ихэнх хувийг эзлэх болжээ. Премьер лиг хүчирхэгжиж, шигшээ багийн тоглолт нь сонирхолтой байж, тоглолтыг нь харах одууд олонтой зэрэг шалтгаан ихээхэн нөлөөлсөн. 1998 он, 2000 оны эхэн үе хүртэл Майкл Овэн, Дэвид Бэкхэм нар балиашгуудын тоог үлэмж ихээр нэмсэн нь маргаангүй. Криштиану Роналдугийн хүчинд сүүлийн 3 жил Манчэстэр Юнайтэд, Португалын дэмжигчид эрс олширсонтой ялгаагүй юм. Тэгвэл Монголчууд бидний хамгийн их балиашигладаг улс ирэх Дэлхийн аваргаар яаж тоглох бол. Английн бүрэлдхүүн сайн л даа, гэхдээ үнэн азгүй хол явахгүй дээ гэсэн яриа бараг уншлага болж. Өөрсдөө ч дэлхийн аваргын өмнө манайх түрүүлнэ гэж ам бардам ярьцгаадаг, тэд тийм л бардам. Гэвч талбай дээр ярьсан шигээ байж чаддаггүй.

Шигшээ багийн амин сүнс болсон бүрэлдхүүний хувьд Англичууд асуудал багатай. Гол асуудал зүүн жигүүрийн хагас хамгаалагч болон хаалгач байсан. Олон жилийн турш зүүн жигүүрийн хагас хамгаалагчаар тоглох хүнгүй, бүр энэ байраа "оршуулгын газар” гээд нэрлэчихсэн. 1996 оноос хойш томоохон тэмцээнүүдэд Бармби, Андэртон, МакМанаман, Синклэйр, Скоулз, Жо Коул нар "оршуулгын газар” луу явж байлаа. Болдогсон бол Раян Гиггзийг тоглуулчмаар байдаг. Гэтэл Гиггз аавынхаа захиасыг биелүүлэх гээд Вэйлсийн шигшээгээ сонгосон. Нэг улсын нэрийн өмнөөс тоглосон бол өөр улсын нэр дээр тоглож болохгүй гэсэн дүрэм аль 1962 онд гарчихсан учир өөрсдөдөө найдахаас арга байхгүй. Оршуулгын газарт хамгийн сайн тоглосон нь Скоулз л байлаа (2004 оны Европын аваргаар). Жо Коул сүүлд боломжийн байсан ч хангалттай байгаагүй. Дэлхийн аваргаар зүүн жигүүрээс үр бүтээлтэй тоглолт бараг л гаргаагүй. Яахав ихэнх үзэгчид гоёмсог тоглолтонд нь хууртаад үүргээ хэр биелүүлсэнийг нь баллуурдчихдаг тал бий. Фабио Капэлло ирсэнээ энэ асуудал арай нааштай болж ирсэн. Түүний сонголт нь Стивэн Жэррард. Шийдвэрлэх тоглолтуудад Жэррардыг гаргаж, сэлгээгээр Астон Виллагийн Милнэр орж ирэх болсон. 4-4-2-оор тоглох үед Лэннон (эсвэл Валкотт, Райт-Филлипс), Лампард, Барри, Жэррард (зүүнд) гэсэн байрлалаар гарч Рүүнигийн урд Хэски, Дэфо, Крауч, Агбонлахор, Карлтон Коул нарын нэг тоглож буй. Бараг л үндсэн байрлал. Жэррардыг зүүнд тоглоход өөрөө ч, бид ч гайхаж зарим нь төвд тоглуулмаар байна, төвд тоглохыг нь хармаар байна гэж харамсаж буй. Гэхдээ Капэлло Английг хожуулахын тулд түүнийг зүүнд сонгодог. Дараагийн асуудал хаалгач. Дэвид Симэнээс хойш олон ч хаалгач бүхний хараалыг идсэн дээ. Урьдчилсан тоглолтуудаас харахад Вэстхэмийн Робэрт Грин тоглох магадлал хамгийн өндөр байна. Миний хувьд ч түүнийг эхний сонголтоор нэрлэж байна. Сайн тоглохгүй бол түүний ард Жо Харт гэж залуучуудын шигшээгийн хаалгач хүлээж буй.

Одоо Англид нэгэн асуудал үүссэн нь Жон Тэрри. Өнгөрсөн жилийн шилдэг эцэг маань өөр "айлын ээжийг” эргүүлсэн хэрэг тарьсан. Тэр нь нэг багийн Вэйн Брижийн хүүгийн ээж юм. Брижээс салсан ч энэ шалтгаан биш. Тэрри энэ асуудлаас болж сонин сэтгүүлийн эхний нүүрэнд заларсан. Хамгийн харамсаар нь Тэрри байгаа цагт Английн шигшээд тоглохгүй гэсэн Брижийн мэдэгдэл юм. Дээр нь Тэрри сүр сүлд нь үхцэн гэмээр нэг л айдастай, паанигтсан тоглолт үзүүлж эхэлсэн. Мөн Эшли Коул Дэлхийн аваргын өмнө гэмтэлээс ирэхгүй бол орчин цагийн” оршуулгын газар” нь зүүн хамгаалагч болох нь. Тэрриг шигшээгээс хасаад Брижийг авалтай нь биш. Тэрри ч багийн ахлагчаасаа халагдаж Жэррард, Фэрдинанд нар "өрсөлдөж” байгаа. Эвэртоны залуу Бэйнэс одоогоор зүүнд тоглож байна. Варнок, Лэскотт (ихэвчлэн төвд тоглож байгаа) нар нөөцөнд бий. Бас нэг муу мэдээ нэмэгдсэн нь Дэвид Бэкхэмийн гэмтэл. Италийн Сэри А-д Кьевотой тоглож байхдаа шагайны ардах шөрмөсөө гэмтээсэн нь Дэлхийн аваргыг өнжүүлэхэд хүргэж байна. Бэкхэм шигшээ багтаа орох нь гарцаагүй байсан. Капэлло түүнийг сүпэр сэлгээ болгож эвгүйтсэн үед гаргаж ирэн хаалттай цохилт, булан, алсын оновчтой дамжуулалтуудыг ашиглана гэж төлөвлөж байлаа. Түүн шиг сайн сэлгээ байхгүй гэдгийг сүүлийн тоглолтуудад хангалттай харуулсан.

Английн том давуу тал гэвэл Вэйн Рүүни байна. Асар хөдөлмөрч, ухаалаг, хурдтай, цохилттой, дайчин, байрлал гололгүй цохидог, хамгаалалтанд идэвхитэй, бөмбөггүй тоглолт сайтай, прэссингэд сайн, гүйлтийн тэсвэр өндөртэй гол нь гоол оруулдаг гээд байхгүй юм байхгүй. Манчэстэр Юнайтэдийн өндөр амжилт түүнтэй салшгүй холбоотой. Дээр нь түүний сэтгэлзүй унадаггүй тоглолт Англид хэрэгтэй. Бэкхэм хүртэл номон дээрээ ингэж хэлсэн удаа бий. "Бид Бразилийг 1-0-ээр (2002 оны Дэлхийн аварга) хожиж байхад Роналдо инээчихсэн шүүгчтэй юм ярьж байхад би гайхсан” гэж. Англи хожиж, хожигдож байсан ч сэтгэлд нь айдсын хана бий болчихсон байдаг гэсэн санаа. Тэд торгуулийн цохилтоор үргэлж хожигддог нь үүнтэй холбоотой. Англид сэтгэл санааны бэлтгэл бас лидэр их дутагддаг. Одоо бол өөр. Рүүни бол ямарч үед тоглолт 0-0 байгаа мэт тоглодог. Түүнийг байгаа цагт 4-4-2 гэсэн хувилбар өөрчлөгдөх магадлал багатай. Ливэрпүүлд Бабэл, Торрэсийн ард довтлогчоор гардаггүй шалтгаан энэ. Орчин үед туслах довтлогч, хамгаалалт, прэссингэд өндөр ач холбогдолтой орох болсон. Тэгэхгүй бол хамгаалалт суларна. Роналдуг байгаа үед Нани гардаггүй шалтгаан бас л энэ. Хоёр жигүүрийн хагсын нэг нь хамгаалалт сайтай тоглолт уншдаг байх ёстой болохоор Пак, Флэтчэр, Харгривз нар тоглодог.

Дэлхийн аварга эхлэхэд гуравхан сар үлдсэн үед зүүн жигүүрийн хамгаалагчийн асуудал яаж шийдэгдэх вэ гэдэг Английн тулгамдсан асуудал болсон. Уг нь саяханыг болтол санаа амар байрлал нь байсан юм. Бусад байрлал дээр бол асуудалгүй. Сайн бүрэлдхүүн, сэлгээ байна. Бас Капэлло. Энэ хүн ирсэнээр нэг номерийн асуудал дасгалжуулагч юм гэдгийг Англичууд сайн ойлгосон.

Nice-football-wallpaper

yonoo — Sat, 01 May 2010 03:15:09 GMT

Хөлбөмбөгийн үнэнч фанатууддаа зориулж гайхамшигтай ханын цааснууд орууллаа татаад аваарай.
Харин сэтгэгдэл үлдээхээ мартваа. Мэдээлэлийн эх сурвалжыг yonoo.ucoz.com-оос

[share.aiax] [4shared] [mediafire] [rapidshare]

Аврагуудийн лигийн Аврагын Төлөө өрсөлдөх 2 багийн нэр тодорлоо

admin — Thu, 29 Apr 2010 13:54:57 GMT

Жозе Моуриньогийн "Интер Милан” "Барса”-г буулган авч, Европын хөлбөмбөгийн холбооны хамгийн нэр хүндтэй тэмцээн болох Аваргуудын лигийн финалд "Баейрн Мюнхен”-тэй өрсөлдөхөөр боллоо.
Тоглолтын 28 дахь минутад Тьяго Мотта улаан картаар торгуулж, талбайгаас хөөгдсөнөөр италийн аваргууд талбайд 10-уулаа үлдсэн ч "Барса”-гийн ширүүн довтолгооны эсрэг бат зогсч, 1:0-ээр л ялагджээ. Гэхдээ өмнөх тоглолтод хоёр бөмбөгийн илүүтэй хожсон тул Барселонын Ноу Кэмп цэнгэлдэхэд болсон хариу тоглолтод ялагдал хүлээсэн ч "Интер” хоёр тоглолтын нийлбэр дүнгээр ялалт байгуулж, финалд өрсөлдөх эрхээ авсан юм.
Аваргаа хамгаалан өрсөлдсөн "Барса” бөмбөг эзэмшилтээрээ хамаагүй илүү байсан ч 84 дэх минут хүртэл өрсөлдөгчийнхөө хаалганд бөмбөг оруулж чадаагүй билээ. Харин Жерард Пике тоглолт өндөрлөхийн өмнөхөн тоглолтын цорын ганц гоолыг оруулсан юм. Аваргын төлөө тоглох "Интер”-ийн тухайд 1965 оноос хойш Европын тэргүүн цомыг хүртээгүй байгаа бөгөөд ирэх сарын 22-нд "Реал Мадрид”-ын Сантьяго Бернабеу цэнгэлдэхэд Германы "Баейрн Мюнхен”-тэй аваргын цом булаалдах боллоо.

Хөлбөмбөгчдийн багын зураг 2-р хэсэг

admin — Thu, 29 Apr 2010 13:36:18 GMT

Тэри Анри

Михайл Баллак

Зидани

Хернан Креспо

Сергио Күн Агүиро

Жозе Моурино

Багынх нь зураг арай л биш юм гэхдээ,,

Лионел Месси

Алессандро Дел Пейро

Алберто Жилардино

Нуно Гомес

Кристоп Метзелдир

Петр Чех

Жозе Антониа Рейес

Раул

Пауло Малдини

Деко Саузе

Фабио Каннаваро

Фэрнандо Морейнтэс

Кристиано Роналду

Вэйн Рүүни

Кака

Стивен Жиррард

Фрэнк Лампард

Самбагийн хаад...

admin — Wed, 28 Apr 2010 14:21:27 GMT

Хөлбөмбөгийн тоймч сэтгүүлч Батзаяагийн Самбагийн Хаад.. Нийтлэлийг хүргэж байна.

Самбагийн хаад...

     Хөлбөмбөг бол Бразилд амьдралын салшгүй нэг хэсэг болж, шашин шүтэхээсээ илүү хөлбөмбөгчдөө шүтэх тохиолдол нэн түгээмэл. Пэлэг хаан, Гарринчагаа бурхан гэж нэрлэн ханандаа зураг, өмсгөлийг нь өлгөөстэй. Дэлхийн аваргаас мөнгөн медальтай ирэхэд нь өндөг шидэж, хожигдол хүлээхэд нь зурагтаа цонхоороо шидэх, машинтайгаа дохио хүлээн зогсож байхад нь буу тулгахад (гэрлэн дохион дээр буутай дээрэм хийгчид байдаг) алдартай хөлбөмбөгчин нь байвал уучлалт гуйгаад, амжилт хүсээд зугтах, хөлбөмбөгчдийнхөө ойр дотныхон хүнийг барьцаалаад (мэдээж хамгийн баян хүмүүс бол хөлбөмбөгчид) мөнгө өгөхгүй бол буудна гэсэн сүрдүүлгийг тухайн тамирчин "Тэгвэл би шигшээ багтаа тоглохгүй. Дэлхийн аваргад орохгүй” гэсэн үгээр болиулж байх жишээтэй. Нийгмийн давхаргын ялгаа ихтэй Бразилд, сэхээтний хүүхдүүд хөлбөмбөгчин болох магадлал ховор бөгөөд Бразил хүүхдүүд нэг бол хулгайч, нэг бол хөлбөмбөгчин болно гэдэг яриа үнэний хувьтай. Хөлбөмбөг бол тэдний амьдрал чухал нөлөөтэй, бөмбөггүйгээр амьдрал үгүй.
    Бразил хөлбөмбөгийн онцлог нь сэтгэлийн хөөрөл, ур чадвар, техникээр давамгайлан тоглоно. Мөн тактикын арга барил нь тогтвортой биш. Бүгд жигд ур чадвар өндөртэй болохоор тактикын уян хатан шилжилт тогтмол явагддаг.Харин Дунга шигшээгийн ерөнхий дасгалжуулагч болсоноор хуучны Бразилын тоглолтын арга барил эрс өөрчлөгдсөн. 2006 оноос шинэчлэлийг удаан, алгуурханаар хийж эхэлсэн. Ур чадварт тулгуурлан тоглодог арга барилыг багасгаж, Европ стилийн байрласан тоглолт хийх болсон. Угаасаа ихэнх Бразил тоглогчид Европын лигүүдэд тоглож байрласан тоглолтыг клубтээ хийдэг нь нөлөөлсөн. Хамгийн сүүлд 2009 оны Холбоодын цом тэмцээнд тодорхой харагдсан. Чөлөөт цохилтуудыг олон төрлөөр ашиглах болж, хослон тоглогчдыг бий болгож эхэлсэн. Жишээ нь Дани Алвэс баруун хамгаалалтанд гарахад Эланог баруун хагас хамгаалалтанд тоглуулж эсвэл Майконыг хамгаалагчаар, Рамирэсийг хагас хамгаалагчаар тоглуулах жишээний. Гэхдээ сүүлийн хослол илүү үр бүтээлтэй байгаа нь харагдсан. Жигүүрийн хамгаалагчдын орчин үеийн сонгодог арга барилыг Кафу, Робэрто Карлос нар гаргаж ирсэн бол одооны багийн жигүүрийн тоглолт өөрчлөгдсөн. Баруун жигүүрт, арын тоглогчдоор нүүрний шугамыг дуустал довтолгооныг явуулж байгаа бол зүүн жигүүрийн хамгаалагч илүү хамгаалалт талдаа сайн сууж тоглон, довтолгоонд орох тодорхой шугамтай тоглож байна. Энэ нь эрсдэлд бэлэн байж, нүүрний шугам хүртэл довтолгоонд тогтмол оролцдоггүй гэсэн үг юм. Дунгагийн гол анхаарал хандуулж буй зүйл бол хамгаалалтанд сайн бэлтгэгдсэн эсрэг багийн довтолгоо уншдаг хагас хамгаалалтын шугам. Ер нь Бразилын тактикыг ерөнхийд нь хамгаалалтын төгс гүйцэтгэл дээр суурилсан довтолгоон гэж хэлж болно. Тиймээс хамгаалалтанд өндөр түвшинд бэлтгэгдсэн хамгаалалтын шугамыг эсрэг баг нь задлах нь тун бага болж хэрэггүй алсын дамжуулалтуудыг ихээр хийж байгаа. Өрсөлдөгч багийн довтолгоо нуран унадаг. Рамирэс, Жилбэрто Силва, Фэлипэ Мэло нарын урд Кака тоглоно. Арын гурван хагас хамгаалагчийн сэлгээнд Элано, Жозуэ, Эрнанэс, Лукас, Андэрсон, Какагийн сэлгээнд Диего, Баптиста, Карлос Эдуардо (Германы Хоффэнхаймын) нар бий.

Бразилын шигшээ багийн, Skytel-ийн картан дээр тавигдсан зураг.

Төвийн хамгаалагчаар хүчирхэг Лусиог нэг номероор сонгож Жуан, Тиаго Силва, Луйзао гэсэн нэр дэвшигчид байна. Дунга төвийн хамгаалалтаараа булан, чөлөөт цохилтоос гоол оруулах нөхцөлийг тун чадмаг бүрдүүлж байгаа нь нөхөрсөг тоглолт, дэлхийн аваргын урьдчилсан тоглолтуудаас харагдаж байна. Баруун хамгаалалтыг Майконд (Дани Алвэс, Рафинья нар сэлгээнд) даатгаж байгаа бол зүүн жигүүрт Миранда, Марсэло, Жилбэрто, Мичэл Бастос заримдаа Дани Алвэсийг тоглуулж байгаа. Мөн Алвэс хэд хэдэн тоглолтонд баруун хагас дээр тоглож буй.
     Үеийн үед хамгаалагчдын шүдний өвчин болдог Бразилын довтолгооны бүсийг сонирхъё. Энэ удаа харьцангуй даруухан нэр сонсогдох болж Луис Фабиано, Робиньо, Адриано, Нилмар, Алешандр Пато, Роналдиньо, Графитэ, Халк, Тардэлли (тоглох магадлал өндөртэйгөөс нь нэрлэсэн) гэсэн нэрс нэрлэгдэж байна. Фабиано, Робиньогийн хослол магадлалаар тэргүүлж Робиньо зүүн талруугаа тоглоно. Мөн Робиньогоос гадна зүүн жигүүрт Какагийн гоцлон тоглолт Бразилд олон ч гоолын дамжуулалтыг авчирсан билээ. "Бүдүүн” Роналдо нутгийнхаа лигт тун боломжын тоглож байгаа ч Дунга түүнийг Дэлхийн аваргад авч явах нь тун эргэлзээтэй. Роналдог бүх цаг үеийн хамгийн мундаг довтлогч гэж олон дасгалжуулагчид хүлээн зөвшөөрч, "Роналдо шиг тоглож чадахгүй бол Роналдо шиг сэтгэ” гэдэг үгийг гаргасан билээ.
   Дэлхийн аваргын үхлийн хэсэгт орсон Бразилчуудыг авьяаслаг Дунга "амьд гаргана” гэдэгт мэргэжилтнүүд санал нийлж байна. Дунга өөрөө тоглогч байхдаа Бразилын ухаалаг багийн ахлагч, хамгаалалтын хагас хамгаалагчийн сонгодог тоглогчдын нэг байсан юм.
   Долоон сая хөлбөмбөгчнөөс 23 нь сонгогддог гэж бодохоор аймар!

Ялагдашгүй Армада

admin — Tue, 27 Apr 2010 00:56:38 GMT

Хөлбөмбөгийн тоймч сэтгүүлч Батзаяагийн "Ялагдашгүй" Армада нийтлэлийг хүргэж байна.

"Ялагдашгүй” Армада

Хөлбөмбөг дөнгөж сонирхож буй нэг найз минь Испаний шигшээ багийн тамирчдыг хараад "Пөөөх! Эд нарт дасгалжуулагчийн хэрэг байгаа юм уу?” гэж уулга алдаж билээ. Үнэхээр энэ цаг үеийн хамгийн "дур булаам” шигшээ бол яахын аргагүй Испани. Ямарч том тэмцээнд түрүүлэх багийн эгнээнд цохиж явдаг ч, үргэлжид азгүйтдэг учир "Мөнхийн азгүй баг”, "Сайн клуб, сулхан шигшээ” гэсэн хоч цаг үргэлжид дагасаар иржээ. Харин 2008 оны Луис Арагонэсийн бүрдүүлсэн баг Европын аварга болсоноор таагүй цол гуншингууд нь бүдгэрч эхэлсэн юм. "Ялагдашгүй” Армада буюу дундад зууны үеийн тэнгисийн цэргийн хүчирхэг флотын нэрээр нэрлэгдсэн нэр нь одоо бол үнэхээр тохирч байна.

Испаний шигшээ багийн тоглолтын арга барил, тактикыг сонирхоод үзье. Усны долгион яаж хөдлөнө, тэдний тоглолт яг л тийм. Тактикын амин чухал зүйл байрлалаа алдахгүй байж, 4-4-2 байрлалаа алддаггүй. Эсрэгээр тэдний илт довтолгооны хувилбар эсрэг багийн 4-4-2, 4-5-1 гэх мэт байрлалыг дахин дахин бутаргадаг (Барсэлонагийн тоглолт мөн ийм төрлийнх). Хамгаалалтанд тун сайн бэлтгэгдсэн, багаар сэтгэж тоглох өндөр чадвартай хагас хамгаалалтын бүс төвөөс санаачлага маш их гаргадаг. Өрсөлдөгч багийн довтолгооноос хамаарсан уян хатан арын дөрвөлсөн гинжин хамгаалалт нь, хоёр захаар хурдтай тоглолт хийдэг. Багаар хамгаалах болон нэгийн эсрэг нэг хамгаалсан ч үр дүн өндөртэй. Ур чадвартай, хурдтай тоглогчдыг ашиглан богинын болон хагас намын дамжуулалт их хийж, бөмбөггүй тоглогчийг ашигласан тоглолт ихээр хийнэ. Нэхэлтийг (прессинг) тун чадамгай хийдэг. Мэдээж хөлбөмбөгт сул талгүй баг байхгүй. Үүрэг даалгаварын тодорхой хуваарьтай, бүлгээр хамгаалах өндөр чадвартай АНУ-ын шигшээ өнгөрсөн жил Тив хоорондын цомоор Испанийг буулгаж авсан. Мөн тухайн өдрийн тамирчдын сэтгэлзүй, хувийн алдаанууд байсаныг үгүйсгэх аргагүй. Тэр өдөр Испаний довтолгоо АНУ-ын хамгаалалтыг нэвтрэх аргаа үнэхээр олохгүй байсан юм.

Испанийн шигшээ багийн, Skytel-ийн картанд дээр тавигдсан зураг.

Дэлхийн аваргын өмнөх бүрэлдхүүнийг харахад Европын аваргын суурь бараг л хэвээрээ. Хаалгачаар эхний сонголт багийн ахлагч Икэр Касильяс бол, сэлгээнд Ливэрпүүл (Рэйна), Барсэлона (Валдэс), Арсэнал (Алмуниа), Вильярреал (Диего Лопэс) гэсэн том багуудын "манаач” нар очерлож буй. Хамгаалалтын бүс уламжлалт дөрвөн хамгаалагч Сэрхио Рамос, Карлэс Пуйол, Хэрард Пикэ, Хоан Капдэвила нар тоглох нь тодорхой байх. Сэлгээ ч муугуй Марчэна, Арбэлоа, Албиол. Ялангуяа Арбэлоагийн нягт, жигд тоглолт үндсэн багт өрсөлдөөнийг үүсгэж байна. Дасгалжуулагч Дэл Боскэгийн хөдөлгүүр болсон хагас хамгаалалт сонголт арвинтай. Төвд Шави Эрнандэс, Шаби Алонсо, хоёр талд нь Иниеста, Давид Силва нар тоглох магадлал өндөртэй. Үндсэн багаа ч "улайлгахаар” нөөцтэй бөгөөд Фабрэгас, Бүскэтс, Сэнна, Хуан Мата, Риера, Хэсус Навас, Гранэро, Санти Касорла нарыг дурдаж болно. Довтолгоонд мэдээж Фэрнандо Торрэс, Давид Вильягийн "аймшигтай” хослол тоглох нь ойлгомжтой биз. Гуйса, Льорэнтэ, Нэгрэдо гэсэн сэлгээнүүдтэй зэрэгцээд Барсэлонагийн Боян Кркич, Пэдро Родригэс, Жэффрэн Суарэс гэсэн шижигнэсэн хүүхдүүд нэмэгдэж байна. Бүрэлдхүүн, тактикын хувьд хамгийн тодорхой Испаничууд, дээрх таамаглалыг тийм ч их өөрчлөхгүй болов уу!

Дэлхийд чансаагаараа тэргүүлж буй тэднийг, Реал Мадридыг гарамгай удирдаж байсан Висэнтэ Дэл Боскэ дасгалжуулж буй. Дэл Боскэгийн санааг зовоож байгаа асуудал, гол тоглогчдын гэмтэл. Иниеста бэлтгэл дээрээ гэмтэл авч 5 сарын дундуур ирэх бол, Торрэс хэдэн тоглолтонд оролцоод л гэмтэл авч байгаа бол Фабрэгасийн гэмтэл хамгийн ихээр сэтгэл түгшээж байна.

Өмнөд Африкт хэсгийн сугалааг тун боломжын татсан ч, хасагдах шатнаас чангахан шиг учраанууд хүлээж байна. Гэхдээ хэсгийн тоглолт ч гэсэн эвгүй. Дэлхийн аваргын дэвжээн дээр муу баг тоглодоггүй гэдэг аксиомыг "Ялагдашгүй” Армада сайн мэдэж байгаа. Угаасаа хөлбөмбөгт хэзээ ч тодорхой юм байдаггүй.